मिक्लाङ गाउपालिका वडा नम्बर ६ खाबेझोडास्थित एक घरमा आगलागी भएको छ । शनिबार करिव १:४५ बजे स्थानिय ख्यामराज पाण्डेको घरमा आगलागी भएको ईलाका प्रहरी कार्यालय उर्लाबारीले जनाएको छ ।
शनिबार घरसँगै रहेको परालको माचबाट आगो सल्किएर पाण्डेको घरमा आगलागी भएको ईलाका प्रहरी कार्यालय उर्लाबारीका प्रमुख प्रहरी निरिक्षक राकेश यादवले बताए । स्थानिय कृष्ण बरुवालको ४ वर्षिय छोरा रेमन बरूवालले खेल्ने क्रममा लाईटरले परालमा आगो सल्काउदा पाण्डेको घरमा आगलागी भएको प्रहरीले जनाएको छ।
आगलागीबाट करिव ४ लाख बराबरको क्षती भएको बताईएको छ ।
आगलागीबाट मकै, धान, पराल र लत्ताकपडा जलेर नष्ट भएको बताईएको छ ।
यता सो आगलागीबाट कुनै मावनिय र चौपायामा भने क्षती हुन नपाएको ईलाका प्रहरी कार्यालय उर्लाबारीले जनाएको छ।
उर्लाबारी र पथरीलगायतका पालिकाहरुको दमकल, जनपथ प्रहरीसहित स्थानियको प्रयासमा करिव ४० मिनेटमा सो आगो नियन्त्रणमा लिईएको उर्लाबारी दमकलका कमाण्डर चालक राजन तामाङले बताए ।
प्रतिक्रिया
सम्बन्धित खवर
